Qissa abhi hijab se agy nhi barha
me aap , wo janab se agy nhi barha
mudat hui kitab e mohbt shru keye
lekin me pehly baab se agy nhi barha
lambi musaften hn magr is sawaar ka
pau abhi rakab se agy nhi barha
logoon ne sang o khisht k qallay bana leye
apna mehal to khwab se agy nhi barha
tool e kalaam k leye me ne keye swal
wo mukhtasar jawab se agy nhi barha
wo teri chaal dhaal k bary me kya kahe
jo apne ehtsaab se agy nhi barha
rukhsaar ka pata nhi anhen to khoob hn
dedaar abhi naqab se agy nhi barha
wo lazat e gunha se mehroom he raha
jo khuahish e sawab se agy nhi barha...
No comments:
Post a Comment